چــــــــــــــنڊ کـــــــــــــــــــــي تــــــــــلاش ڪــــــــــــندي نيــــــــــــــــــڻ اوھــــــــــــــــــــــــــــان در پھتـــــــــــــــــــا عيد مبارڪ — **************************************** اوھان کي عيد مبارڪ

چــــــــــــــنڊ کـــــــــــــــــــــي تــــــــــلاش ڪــــــــــــندي
نيــــــــــــــــــڻ اوھــــــــــــــــــــــــــــان در پھتـــــــــــــــــــا
عيد مبارڪ —
****************************************
اوھان کي عيد مبارڪ



https://www.facebook.com/SindhiPoetryZulfiqarBehan
اُداس جيون آ
نراس جيون آ

وڇوڙو صدين جو
ٽياس جيون آ

سکي نه گل ورھاءِ
اُماس جيون آ

بھار موسم ۽
حساس جيون آ

ڀلي ڪو رقص ڪري
خلاص جيون آ

وري نه ڪرجانءِ پيار
ھراس جيون آ

ٻڌي جي ٻاروچو ته
آس جيون آ
 
 

نيــــــرو آڪاش پريشان پريشان
دَردَ ڌرتيءَ کي ڪو ٻڌائي، ھاءِ ھاءِ
ياد تنھنجي ٿــي ستائي، ھاءِ ھاءِ

ڇو لڇي ٿو،رڙي ٿو ھي سمنڊ
ھَٿُ ڪناري سان ڪيئن ملائي، ھاءِ ھاءِ
ياد تنھنجي ٿــي ستائي، ھاءِ ھاءِ

ڇو ڪري رقص ٿو شراب،بي حساب
ساقي جي نيڻ وچائي،ھاءِ ھاءِ
ياد تنھنجي ٿــي ستائي، ھاءِ ھاءِ

عشق آ، يار صليبُ مسيحا ، ڪائي
ريت ڪو ڪو ٿو نڀائي،ھاءِ ھاءِ
ياد تنھنجي ٿــي ستائي، ھاءِ ھاءِ

درد صحرا جيان طويل آ ‘ذوالفقار‘
پياس پو ڇونه ستائي ھاءِ ھاءِ
ياد تنھنجي ٿــي ستائي، ھاءِ ھاءِ

ھوا ۾ سڏڪا،رات روئي ٿي
صدا ۾ سڏڪا، رات روئي ٿي

پريتم _توکي ياد ڪري ،ٿو شرير ٻري
نيڻ رتا ڇلڪيا ، رات روئي ٿي

وحشتون حسرتون رنجشون، ڀر ۾ ستل
در، درين ۾ کڙڪا ،رات رئي ٿي

پاڻ سان گڏ ،يادون به کڻي وڃ
ڪتيون ٽيڙو نڪتا،رات روئي ٿي

چنڊ جي وارن ۾، چاندني پائي ليئا
جوڀن ۾ الڪا ، رات روئي ٿي

ھوا ۾ سڏڪا، رات روئي ٿي
صدا ۾ سڏڪا، رات روئي ٿي

شاعري؛ ذوالفقاربھڻ —


تنھا تنھا ڇالاء رلين ٿو





تنھا تنھا ڇالاء رلين ٿو
سُورَ اسان سان ڇونه سلين ٿو؟

رِمِ جِھم رِمِ جِھم کڻي نيڻن ۾
دريا دريا ڇونه ھلين ٿو؟

ھِنَ کان ھُن کان پار پڇين
مشڪل ڇاجي ڇونه ملين ٿو؟

ويراڳين جا وار سنواري
سک جا پو ڇو پنڌ پڇين ٿو؟

اوجاڳن کي پائي ڀاڪُرَ
ذوالفقار ڇالا پارَ ڪڊين ٿو

شاعري؛ ذوالفقاربھڻ



’’ووٽ‘‘ شاعراڻو پيغام:ذوالفقاربھڻ


’’ووٽ‘‘ شاعراڻو پيغام:ذوالفقاربھڻ
*************************

ووٽ قوم جي امانت آ
ووٽ مستقبل جي ضمانت آ
او ادا، او ڀيڻ
ووٽ ڪرڻ کان پھريان
وري وري سوچجان
ڪير يار آ، ڪير مڪار آ
سوچي سمجھي ووٽ ڪجان

برادرين ۾ ،ڇو پاڻ کي بند ڪيو اٿئي؟
ذات کان قومي مفاد اتم اٿئي....
پنھنجو فرض،
ڌرتيءَ جو قرض سمجھي لاھجان
او ادا، او ڀيڻ
ووٽ ڪرڻ کان پھريان
وري وري سوچجان
ڪير يار آ، ڪير مڪار آ
سوچي سمجھي ووٽ ڪجان

پنھنجو صرف ڀڀ ڀري
تنھنجي مٿي تان ڇت
پيرن ھيٺان زمين کسڪائي چڏي
اھڙي ڪردار کي کُٿو جواب ڏجان
او ادا، او ڀيڻ
ووٽ ڪرڻ کان پھريان
وري وري سوچجان
ڪير يار آ، ڪير مڪار آ
سوچي سمجھي ووٽ ڪجان


اَمن کي جيئرو ڪريون؛ شاعري؛ ذوالفقاربھڻ



اَمن کي جيئرو ڪريون؛ شاعري؛ ذوالفقاربھڻ
***************
اُميدن جا سڏڪا
مستقبل ڳڀا ڳڀا
نيڻ پاڻي جي درياءَ ۾ ٻڏل
جھورُ اکين جي آس
جلاوطن ٿي وئي
درد جون دونھيون گھرگھر
ريھون واڪا نڙيءَ نڙيءَ ڦاٿل
ڪنھن ماءُ جا اُلڪا
بيوھ جي درد جي پيمانو....
ڪاش ڪو سمجھي
يتيمي جو عذاب
ڪيئن تبديلي کان پوءِ
لڳندو آھي
ٽھڪن وارو گھر
ُسُڏڪن وارو گھر
ڪاش ڪو سمجھي...
وحشي قاتل
تو ۾ مون ۾ آھي لڪل
ڇونه ٿو مارين ان کي
ڪيسيتائين
آخر ڪيسيتائين
نامعلوميت جو رينگٽ
ھاڻي بند ڪر
اچُ،اچُ، اچُ
مصلحتون ٽوڙيون
موت کي دفن ڪري
اَمن کي جيئرو ڪريون

sndhi Ghazal

ڪيئن مڃان ھٿ جي لڪـــــيرن ۾ ناھين
تون ساھَ ۾ آھين منھنجي ويساھَ ۾ آھين

ضبط جا بند ٿا ٽُٽَنِ،پرواھ ڇا ماڻھون چَون
ڪجھ نظر ڪونه اچي جيڪر نگاھ ۾ آھين

مرڪ، خوشيون رنگ موسم جا ڀلي ڪھڙا ھجن
ھر گھڙي وَرَ  وَرَ، سمورن ماھ ۾ آھين

ھيءُ مِٽيءَ جو يار پتلو ،تنھنجي آڱر تي نچي
ھا- ۽  نه - جي ھر الستي  آ ھـــــــ ۾ آھين


ھونئن ته آ بيڪار ھي ”ذوالفقار“ اي دل
پوءِ به يوسف کي خريدڻ جي چاھ ۾ آھين

ڪيئن مڃان ھٿ جي لڪـــــيرن ۾ ناھين
تون ساھ ۾ آھين منھنجي ويساھ ۾ آھين


شاعري؛ ذوالفقاربھڻ پيار کي ڏينھنِ ۾ قيد نه ڪَرِ

https://www.facebook.com/SindhiPoetryZulfiqarBehan
13-02-2013شاعري؛ ذوالفقاربھڻ
پيار کي ڏينھنِ ۾ قيد نه ڪَرِ
پياراحساس آ
پيار وشواس آ
پيار کٽندو نه آ
پيار سمھندو نه آ
پيارجو نه ڪوئي ويس آ
پيار جونه ڪوئي ديس آ
پيار آفاقيت
پيار نازڪ پکي
پيار ڪر تون سَکي
پيار مُرڪ آ ٻار جي
پيار سُرڪ آ سار جي
وقت گھڙين سان ھِن جو ڀيد نه ڪَرِ
پيار کي ڏينھنِ ۾ قيد نه ڪَرِ

پيار خالق جي سھڻي ڪا تخليق آ
پيار سالڪ جي رياضت، جي جيت آ
پيار ممتا، محبوب، ڀاءُ، پتا
پيار ڀيڻ جي ڳيچن جي آھي صدا
پيار آھي ازل
پيار آھي ابد
پيار عابد
پيار زاھد
پيار تقويٰ
پيار ايمان
پيار انسان سان
پيار حيوان سان
پيار ھر چرند ۽ پرند سان ڪَرِ
پيار کي ڏينھنِ ۾ قيد نه ڪَرِ

پيار ڌرتيءَ سان جائز
پيار ٻوليءَ سان جائز
پيار ھر قوم سان
پيار پنھنجي قوم سان
پيار فطرت سان
پيار ترقيءَ سان
پيار علم سان ۽ شعور سان
پيار سھڻي سان ڪوجھي سان
ذوالفقارپيار جي ڪا تعين حد نه ڪَرِ
پيار کي ڏينھنِ ۾ قيد نه ڪَرِ

piyar khy denhan main qaid na kar

piyar ahisaas aa
piyar vishvas aa
piyar khutando na aa
piyar sumhando na aa
piya jo na koe wais aa
piyar jo na koe dais aa
piyar aafaqiyat
piyar insaniyat
piyar nazuk pakhi
piyar kar toon sakhi
piyar murk aa baar ji
piyar surk aa saar ji
waqt gharien saan hin jo bhaid na kar
piyar khy denhan main qaid na kar

piyar khaliq ji suhini ka takhliq aa
piyar salik jy riyazat ji, jeet aa
piyar mumta,mahboob bahu pita
piyar bhain jy geechan ji aahy sada
piyar aahy azal
piyar aahy abad
piyar aabid
piyar zahid
piyar taqwa
piyar eeman
piyar insan saan
piyar haiwan saan
piyar har churand aye purand sand kar
piyar khy denhan main qaid na kar

piyar dharti saan jayez
piyar boli saan jayez
piyar har qoom saan
piyar pahinji qoom saan
piyar fitrat saan kar
piyar tarqi saan kar
piyar ilm saan, shaoor saan
piyar suhny saan kokjy saan
zulfiqar piyaar ji ka tayun had na kar
piyar khy denhan main qaid na kar